لا تترك مرتك زعلانة منك ... وتعلم من أخطاء غيرك

لا تترك مرتك زعلانة منك ... وتعلم من أخطاء غيرك






واحد كان سايق عالطريق بسرعة ومعه زوجته الزعلانة منه



فجأة شاف بالمراية شرطي عم يأشرله ليوقف السيارة

إجا الشرطي وقاله: أنت سايق فوق 180 كم والطريق سرعته 80 كم.. منشان هيك رح أعطيك مخالفة
الرجل: معليش أنا كنت فوق الـ 80 بشوية
الزوجه:حبيبي أنت كنت ماشي عالاقل 180
الزوج نظر نظرة حقد وغل لزوجته
الشرطي: وكمان مخالفة منشان الضو الخلفي مكسور
الرجل: مكسور ؟؟؟؟... أنا ما بعرف إنه مكسور
الزوجة: ليه مـاأنت قلتلي إنو الضو إنكسر من كم اسبوع؟
الزوج نظر من جديد نظرة حقد وغل للزوجة
الشرطي: ومخالفة كمان لأنك مش رابط حزام الامان
الرجل: أنا فاكك الحزام هلأ لما وقفت
الزوجة: لا لا لا , حبيبي أنت بعمرك ما ربطت الحزام
الزوج وهو غاضب جدا صرخ: إنتي مابتعرفي تسكتي؟؟؟؟؟؟؟
الشرطي بيسأل الزوجة: هو دايما بيصرخ عليكي هيك؟؟؟؟؟؟
الزوجة: لالالا حرام مش دايما .. بس لما بيكون سكران
الشرطي: سكران؟؟؟
الرجل: لالالالالا.. ما تصدقها
الزوجة: ما ترد عليه.. هو لقى قنينة ويسكي بالسيارة لما سرقها
الشرطي: يعني السيارة مسروقة؟؟؟
الرجل: ما ترد عليها ياسيدي.. وإنتي اسكتي وما تخليني طلقك
الشرطي: هاد هيك على طول بيهددك بالطلاق؟؟؟؟؟؟
الزوجة: مش ليكون متجوزني بالاول